Aaj mera Zanasa hai

Well Life is so unpredictable and this is my attempt
to see the event before it happens.
It may sound sad, but its practical equally
weaved for the reality check amid C-19...
So here you go...

Aaj mera zanasa hai,

Mein khush hun ,Aur mein hairran bhi hun,

Kuch toh mere apne hai,

Zinke aanshun samaj mein aate hain,

Kuch dur ke rishtein hain,

Jo aaj mere saath hai,

Ek kandha , toh bhai ka hai,

Yeah baaki kaun utha rahen hain,

Zindagi ki daud mein jo saath nahin the,

Aaj kyun yeah saath nibha rahein hain.

Aaj toh mukt ho gaya hun ,

Zimmedaari se nahin, par samaaj se,

Aaj toh maun ho gaya hun,

Zubaan se nahin par khyaalon se,

Bahri tijori khaali kyun lag rahi hai,

Jisse batora saari zindagi,

Usse kahan chhod raha hun,

Yeah mujpar paani kaun daal raha hai,

Yeah chai aur naasta ,bahar se kyun aaya hai,

Mera chulla kyun thanda pada hai,

Mera parivar kyun udhaas khada hai,

Yeah sab mera tha, jo ab mere saath nahin,

Mere mahal se main kahan jaa raha hun,

Mere sabdh se, ‘mein’ kyun jaa raha hun

Ek pechaan thi jo aaj chhut rahi hai,

Ek naam tha jo aaj badal raha hai,

Kitni baimaani hai yeah duniyadaari,

Zindon ko nahi milti yahan bawadaari,

Band aankhon ko dekho,Kitne milne aa gaye

Soch sochkar, iss soch par paresaan hun,

Kya paaya tha , jisse khokar hairran hun.

Aaj mera zanasa hai,

Mein khush hun ,Aur mein hairran bhi hun,